Жаңалықтар және іс-шаралар

            1-мамыр Қазақстан халықтарының бірлігі күніне арналған ХП-120/1 тобының кураторы Т.Досамбаеваның бастамасымен "Бір шаңырақ астында" тақырыбында конкурс өткізілді. Іс-шара мақсаты - ұлтаралық достықты нығайту және салт-дәстүрді насихаттау болып табылады. Шара соңында конкурс жеңімпаздары және қатысушылары марапатталды.

      Жамбыл индустриалды-технологиялық колледжінде Жамбыл облысы прокуратурасының Консультативтік кеңесінің көшпелі мәжілісін ұйымдастыру мақсатында мобильдік топ мүшелері "Жастар мен кәмелетке толмағандар арасындағы қылмыстық құқық бұзушылық профилактикасы туралы" тақырыбында студенттермен кездесу өткізді. Іс-шараға Жамбыл облысы прокурорының аға көмекшісі, әділет кеңесшісі Е.Қуанышев, Жамбыл облысы білім басқармасының бас маманы М.Керімбеков, Тараз қалалық полиция басқармасының Жергілікті полиция қызметінің ювеналды полиция бөлімшесінің учаскелік инспекторы, полиция лейтенанты Ж.Аманқұлов, Тараз қаласы №4 емхананың гинеколог-дәрігері Н.Драмқұлова қатысты. Мобильдік топ мүшелері тақырып аясында ауқымды ақпарат беріп, жастардың сауалдарына жауап берді.

Ерте жүктіліктің алдын алу мақсатында Тараз қаласының №7 емханасының қызметкерлерімен кездесу өткізілді. Іс-шара барысында медицина қызметкерлері ерте жүктіліктің зияны туралы айтып, себептері мен салдарын түсіндірді.

Студенттер тарапынан сұрақтар қойылып, нақты жауаптар берілді.